Paano Gawing SIM Card ng iPhone 5 ang Lumang SIM ng Libre

Photo credit: http://absinthejailbreak.com/

Paano Gawing SIM Card ng iPhone 5 Ang Lumang SIM ng Libre
(Mula mini SIM, Gagawing Nano SIM)

Dati Nokia, pumasok Eriksson, tapos nagka Alcatel, ngayon nalaos yung mga nauna at dumating ang higanteng Iphone. Maganda ang unit, elegante, sosyal at maraming pwedeng gawin na maaring mkatulong sa ating pang araw araw na pangangailangan. Pero kung galing ka sa kabilang brand at gumamit ka ng produkto ng mga nag oopisina at nkabase sa Cupertino, malamang nkaengkwentro ka na ng ibat ibang problema, gaya ng paglipat ng mga kanta, panonood ng mga pelikula, pagbabasa ng mga nadawnload na ebooks, at pagpapalit ng SIM card.

Ang SIM card (Subscriber’s Identity Module). Ito ang puso ng mga cellphone, ito ang nagpapagana sa kanya. Dito nababasa ang ating numero at dto rin tayo nakakaconnect sa mga providers. Ito ang dahilan kung bat tayo nakakatawag, nakakatxt at nakakapasok sa internet. Isang plastic lamang na nakapaloob ay sirkito. Sa katotohanan, ang tawag sa ginagamit natin ay mini-SIM na, galing sa orihinal na SIM card na ang sukat ay katumbas ng isang credit card. Sa pagpasok ng mga ibat ibang uri ng yunit, sinama nila sa pag usad ng teknolohiya ang pagpapaliit dito, para ang espasyo na inookupa dati e magamitan pa nila ng mas kapaki pakinabang na detalye. Kaya mula sa mini SIM, lumabas yung Micro SIM hanggang sa Nano SIM.

Ang Micro Sim ay ginagamit ng Iphone 4 at 4S, habang ang Nano sim ay ang pinakabago at kasalukuyang nakapaloob sa Iphone 5.

Sa artikulo na to ipapakita natin kung PAANO gawing simcard na pang iphone ang yung lumang simcard na walang gagastusin. Na kapag sa bangketa dinala or sa store, malamang pagbabayarin ka pa, pero dto ang kailangan lang ay mga ordinaryong gamit, tyaga at pasensya lang.
 
At wala ng patumpik tukpik pa, umpisahan na natin.

 
Mga bagay na kailangan.
1. Gunting
2. Lapis
3. Ruler,
4. Tape, maganda kung double adhesive o yung sa magkabilaan ung dikit.
5. Liha, mas manipis mas maganda.


 
Paraan.
1. Idownload ang PDF Template na ito http://www.airportal.de/nanosim/How_to_cut_Mini_and_Micro_SIM_to_Nano_SIM.pdf
2. Iprint ang template sa papel na ang sukat ay A4, at siguraduhing naka 100% ang zoom nya o size.
3. Kunin ang lumang SIM card. Ipatong ito sa template,

• Kung sa iphone 4/4S, or Micro sim kailangan, dun mo ipatong sa pinakaunang slot na korteng mini SIM,
• Pag nkabili ng iphone 5 at Nano SIM kailangan, dun sa pangalawang slot.
• Kung nag upgrade ka ng unit mula iphone 4/4S patungo sa iphone 5, dun ka sa huling slot

4. Pagkalagay sa tamang espasyo, siguraduhing pasok sya sa mga linya tapos kuha ng tape, isecure ang MINI sim, ang isipin ay susulatan mo ito at kailangang hindi gumagalaw.
5. Kunin ang ruler at lapis, makikita sa template ang limang linya, dalawang pababa, dalawang pahalang at isang diagonal. Gamit ang ruler, iayon ito sa isang linya, sa ibabaw ng SIM at sulatan. Gawin ito hanggang matapos lahat ng lima.
6. Kunin ang simcard, tanggalin sa template. Hawakan ang gunting. Makikita na sa SIM ang mga linya na ginawa at dun tayo magpuputol. Para sigurado, testingin mo muna ang talim ng gunting sa bahagi ng card na sigurado mong matatanggal din. Pagkaputol, subukang ilagay sa tray mismo ng SIM card sa iphone. Magbawas kung kinakailangan hanggang pumasok ang card.
7. Kunin ang liha, dahil ang nano sim ay mas manipis sa ordinaryo, iliha ang likod nito. Magandang gawin, kunin uli ung tray ng SIM card sa phone, at pag natapos iliha ang card, ipasok sa lagayan ng SIM. Sipatin kung lapat na sa tray. Wag kalimutan na ito’y tatama at hindi papasok sa unit kung me nkausli pa.
8. Ilagay sa Iphone 5.
9. Testingin.


Paalala.
1. Ito’y subok ko na at napagana ko ang iphone 5 ko sa ganitong paraan.
2. Sa paggunting, dahan dahan lang at siguraduhing matalim ang gunting.
3. Sa pagliha, linising maigi ang napakinis na card, punasan at hipan. Wag sobrahan ang pagliha, ang sirkito nya o bilog sa gitna e halos makita na dapat, pero hindi ung lalabas na sya. Tiyagain lang, malamang mahigit 4x ako sumipat.
4. Maari mong masira ang mismong iphone mo at simcard kung di nag ingat.


Sa pinoy, sa atin, parang singbilis pa ng alas kwatro ung pagpapalit ng sim sa maraming ibat ibang kadahilanan. Ito’y marahil sa kawalan ng restriksyon at batas, pagmonitor sa mga numero at sa kung sino nagmamay ari. Dumating ang Cybercrime law pero parang nakaligtaan itong bagay na to, alalahanin na kasama to sa mga IP address pa rin at gamit ang simcard pag nagkokonect sa internet.

Laging tandaan lang na mas maganda pag iisa lang ang numero mo. Sa ganitong paraan, maiiwasan mo ang paglimot at pagkawala sa mga numero ng mga kakilala at kaibigan. Isipin, wala ng sasakit pa sa taong di na nakakaalala .


Ang mga nabanggit sa taas ay hango sa mga site na ito.

• http://www.airportal.de/nanosim/
• http://www.airportal.de/nanosim/How_to_cut_Mini_and_Micro_SIM_to_Nano_SIM.pdf
• http://en.wikipedia.org/wiki/Subscriber_identity_module

ANG NAGSULAT.
HELDERVERT CO GARMA
Blog: http://whathowwhy-heldervert.blogspot.com/

Propesyon : Electrical Engineer
Uri ng trabaho: Konstruksyon
At sya’y Purong Ilokano

KONTING SALITA:
Salamat ke Admin Mary Rose at inanyayahan akong magsulat dito sa PaanoPinoy. Ito ang una kong artikulo, malamang makakita kayo ng mga mali mali sa sulat ko sa kadahilanang ako po ay namulat sa mga numero at di gano sa salita. Ang mahalaga, na sabi nga ng iba, ay ang mensahe at ang kaalaman na maibabahagi natin sa kapwa.
Naengganyo din ako sa blog na ito, kasi ito’y masasabi nating atin, madaling intindihin at malamang di ka gano magkakamali. So salamat sa pagbabasa, maligayang araw sa inyo. Ito’y umpisa pa lamang, asa Ilocano, Rugrugi pay lang detoy gayyem.

Please visit my site also at http://whathowwhy-heldervert.blogspot.com/

Kung nagustuhan paki-LIKE po sa baba at pakishare para makatulong din sa iba para di gumastos sa pagpalit lang ng sim.